[阿LO裝修設計學院] 衣櫃設計重點,教識你應該點樣設計衣櫃。 衣櫃|全屋傢俬|訂做傢俬

傢俬設計重點 大家好我係阿LO呀,咁之前我就開左新既TOPIC就係分享全屋傢俬,應該係點樣設計嘛。上個集就分享左鞋櫃設計既重要性,今日我就分享下房間衣櫃既設計重要性。 首先最多人關注就係衣櫃幾深幾淺先可以掛到一件衫呢?咁就要睇你點樣掛法啦?打直定打橫掛呢?同埋睇埋身型大唔大隻呢。 折圖: 1)恤衫相 2) T-SHIRT相 3)羽絨相 4)西裝相 5)長褸相 6)長裙相 啱啱最闊相既褸係羽絨褸啦,咁即係櫃內既空間最少都要有55CM啦,咁一組掩門櫃,櫃有背板10MM厚度及門板20MM厚度(折圖)。即係最好設計尺寸就係58CM啦。 趟門衣櫃就要深啲,因為趟門需要2隻門既位置(折圖),門與門之間距離之類,就要深多4CM左右。但如果你用啲特式趟門五金,平趟門就比較薄啲(折圖)。 作為設計一個衣櫃,要先設計外觀,外觀係會影響,內窿既做法的。但今日我就唔分享外觀款式,今日圍繞住衣櫃內窿佈局及設計。 設計一個衣櫃,首先要問自己,你需要放咩野落衣櫃呢?衫褲襪就唔駛講啦,會唔會放手飾?夾萬?包包?領呔?皮帶?旅行喼?特式五金等等。點解要咁問呢?因為當你要放埋其他野入去,衣櫃既設計就唔同晒啦。 仲有你都需要了解自己係比較多長褸定短既衫呢?如果長褸多,咁你就要設計多位置放長褸,如果短衫多,就要設計多啲位置放短衫啦。咁其實你可能都唔係好知,自己有幾多件衫既,咁有個小貼仕,就係睇番你而家個衣櫃,究竟係有幾多尺衣櫃及幾多空間放長褸,短衫,底褲之類既野,咁就知道將來設計既衣櫃夠唔夠放囉。如果新做既衣櫃都唔夠位置,咁就一早事先諗定啦。不然設計完出來,唔夠位置擺放,要斷捨離啦。 設計衣櫃內窿 設計一個衣櫃內窿佈局,我一般都會越近廁所個櫃(折圖),就一定設計係放櫃捅的。因為沖涼時就一定會攞內衣褲嘛,所以櫃捅越近廁所越好囉。通常我都鍾意設計掛衣服下面做活動層板,因為當真係要放長裙或長褸,我拎走一兩塊層板就可以掛到長裙或長褸啦。咁通常設立掛衣捅高度,唔可以太高,太高其實掛衫好唔方便,太矮又唔可以掛2行衫,一般掛捅高度與高度之間會留950至1000左右(折圖),都要示乎用家高度既。而整個衣櫃最入或轉角位置,一般我都會放啲,換季用既衫褲。衣櫃用左2倉掛衫,通常上面都會留啲空位,好少將掛捅放到櫃頂上面,因為太高好難用,唔夠高掛衫。如果真係掛咁高,加啲特式五金就可以做到(折圖),咁上面留的空位可以放被鋪或唔常用既衫褲(折圖)。 咁其實衣櫃可以加好多特式五金件,而令到衣櫃方便啲使用。例如有:以下衣櫃分別可以裝其他物品及功能呢: 夾萬:要放夾萬,首先要揀定夾萬款式,要跟住夾萬尺寸黎訂做傢俬。都要考慮下夾萬要唔要打鑼絲入牆,因為打入牆就會影響衣櫃做法。 蛋格:櫃捅加裝蛋格,最主要係方便將啲底衫褲區分番,等到你方便攞野 掛褲:掛褲五金,一個拉架出來,方便攞褲同埋揀褲,當然你衣櫃夠大都可以用衣啲五金,如果衣櫃唔夠大,最好都係層板摺褲,比較慳位。 領呔: 鏡:係衣櫃加鏡,係設計時直接係衣櫃拉出鏡,定係櫃背加鏡啦。訂做衣櫃時都要諗定啦。 鎖:咁有啲用家都係將啲緊要既用品鎖係衣櫃既櫃捅度。設計時就要諗定要唔要加鎖啦。 燈:衣櫃內要唔要裝修燈,係設計時就要諗定啦。 防潮管:有啲用定都會係衣櫃內加裝防潮管,係可以將櫃內灦度減跌。令到啲衫冇咁容易潮灦。 包包位置:而家啲女用家,都非常鍾意買包包,收蔵包包。所以有時都會留位置放包包。係設計時都要諗定。 特式衣櫃趟門片。另外加配特式五金衣櫃片。 今日既分享就到這裡了,大家如果對設計裝修有咩問題,歡迎留言俾我。再見